بو یاس نه یاسدی بیلمورم تمام
عالم آغلیور
بو ذبح اولان جنازیه بساط
اعظم آغلیور
مین اوچ یوز ایرمی یدی ایل کچوبدی
قانی داشلانور
تمام شرق و غربیده بو
انقلابی باشلانور
بو قاندا بیلمورم نه وار چیخوبدی
عرشه هلهله
بو قان نه قاندی ای خدا سالوب
جهانه زله
آچاندا قبری گوردیلر یارالی
بیر جنازه دور
یوز اللی ایلدی دوغرانوب بدنده
قانی تازه دور
کفندی کهنه بوریا نه باشی
وار نه اللری
حصیر ایچینده قول بویون آلوب
قوجاقه اصغری
دیوله بیر یهودی دور آچان
حسین مزارینی
دوروب باخاندا قبرینه
آپاردی اختیارینی
لحد داشین کی قوزادی یهودی
وحشت ایلدی
سووردی باشه توپراقی دوروب
قیامت ایلدی
دیدی آتام آنام فدا اوُ
پاره پاره پیکره
او ُ نهر اولان بوغازووه او
قطع اولان بیلکلره
یوز الی ایلدی ئولموسن بو قان
نه قاندی یا حسین
بو تازه قاندی جوش ایدور و یا
کی جاندی یا حسین
او قانه مذهبیم فدا او قانه
مکتبیم فدا
او قانه عترتیم فدا او قانه
ملتیم فدا
یهودی دینی نیلورم حمایت
ایله یا حسین
قیامتین گونونده سن شفاعت
ایله یا حسین
مرحوم استاد حاج منعم اردبیلی
www.sahaf.blog.ir Telegram.me/sahaf_e_tabrizi
درباره این سایت